30 DE XANEIRO, DÍA MUNDIAL DA PAZ E DA NON VIOLENCIA

 Mañá 30 de xaneiro celébrase o Día Mundial da Paz e da Non Violencia; durante esta semana fixemos varias actividades; aproveitando que estamos a traballar cos alimentos fixemos pasta de sal, coa que modelamos un corazón branco para simbolizar o amor, o respecto e o cariño, sentimentos asociados polos nosos cativos e cativas  á idea da paz.

 Tamén cantamos e bailamos a canción "MÓVETE", a proposta dos Equipos de Dinamización da Lingua Galega e Actividades Extraescolares. Aquí deixamos as fotos da actividade e a canción para que a desfrutedes en familia. 

ANIVERSARIOS MES DE XANEIRO

Hoxe festexamos os aniversarios do mes de Xaneiro, Moitos Parabéns a  Alba da clase de 4, que é a maior do grupo e xa cumpriu os 5! 🎈🎈

BINGO!!

 Xogamos ao Bingo dos Alimentos: aprendemos vocabulario, traballamos a atención, a memoria e o traballo en equipo. Aprendemos e divertímonos!

VEXO, ESCOITO, TOCO, CHEIRO E SABOREO...OS ALIMENTOS A TRAVÉS DOS SENTIDOS.

Nestes días traballamos os alimentos xogando cos cinco sentidos; Divertímonos e aprendemos experimentando cos olores, sabores, aspecto, tacto e son de diferentes tipos de alimentos.

E TI, COMES BEN?

 Seguimos investigando e aprendendo sobre os alimentos. Esta semana traballamos na idea de "comer ben", como facelo de xeito saudable, escollendo unha dieta variada, incorporando vexetais, peixe, legumes, carnes,lácteos, cereais,... e tendo moito moito coidado coas larpeiradas. Conversamos, buscamos algo de información, establecemos algunha que outra conclusión e, finalmente, elaboramos os nosos menús saudables.

VOLTA AO COLE CON SORPRESA

 Retomamos hoxe a actividade nas aulas logo duns días de descanso, un pouco preguiceiros e con algo de sono, pero con moita ilusión e ganas de compartir cos amigos e amigas as vivencias deste Nadal,  ganas de falar dos agasallos que  Papá Noel e os Reis Magos foron deixando  espallados polas casas dos cativos e cativas do Carballiño. E por suposto, coa emoción de chegar ao cole e atopar tamén agasallos nas aulas! Feliz comezo de trimestre para todos e todas! Arrancamos!😊👍

DESPEDIDA DE NADAL

Rematou o 1º trimestre e ímonos xa de vacacións! Despois destes meses de esforzo e traballo arreo dos nosos cativos e cativas, non quixemos rematar sen que  tiveran a súa festa de Nadal coma outros anos, aínda que nesta ocasión un chisco diferente. Tamén nos lembramos das familias, de canto desfrutan coas actuacións de Nadal no cole, por iso, aínda que dun xeito diferente, preparamos este pequeno vídeo sorpresa para todas e todos. Agardamos que  o desfrutedes!! As nenas e nenos de infantil  desexámosvos un BO NADAL E FELICES VACACIÓNS!!💝🎄🎅👦👧🎁🎄

VÉMONOS DE VOLTA NO COLE  O VENRES 8 DE XANEIRO

ANIVERSARIOS DECEMBRO

 Este mes están de aniversario:

En 4 anos Paula

5 anos Iker e Lía

PARABÉNS A TOD@S

TEMPO DE NADAL

 Todos sabemos que o Nadal anda cerca, xa estamos emocionad@s, nervios@s, cavilando nas peticións a Papá Noel e aos Reis Magos. Estes días no cole ambientamos a aula, facemos manualidades para decorar a árbore, cantamos e bailamos cantigas de Nadal,... Facemos unha morea de cousas para preparar a chegada destas datas que aos cativos e cativas tanto nos ilusionan.🎄🎅🎄🎅

A DETECTIVE PEREGRINA E O MISTERIO DE NADAL

Onte viñeron a visitarnos a compañía Polo correo do vento,  tres rapaces que nos contaron unha historia de Nadal moi singular: a detective Peregrina e o seu can salchicha Magnum teñen ante eles un misterioso caso por resolver!

Encantounos a combinación desta historia contada, cantada e debuxada! Grazas a Enrique, Carlos e Roberto por esta sesión de contacontos tan divertida!!

BARCO PIRATA Á VISTA !!

 Traballamos a pre-escritura con diferentes actividades de grafo e divertímonos imaxinando e creando barcos piratas para as ondas do mar que trazamos.

UN PAN MOI ESPECIAL!

Os máis peques de infantil hoxe convertímonos en pequenos panadeiros e fixemos os nosos boliños de pan no cole! Quedáronnos uns bolos ben xeitosos! Agora a cocer na casa e a merendar!! Que ricos!!😋😋😋

Grazas familias pola vosa colaboración!