SAMAIN 2019

Ao longo dos últimos días fixemos diferentes actividades en torno ás festividades de Samaín e Halloween. Queremos compartir convosco unha pequena reportaxe  que resume os nosos traballos destes días, aprendemos moito e PASÁMOLO DE MEDO!!!! 🎃🎃

Moitas gracias   ás familias pola colaboración na actividade proposta polo Equipo de Plurilingüísmo, fixestes uns traballos espectaculares!

Desexámosvos que pasedes uns días terroríficamente divertidos!! Ata o luns!

PREPARÁNDONOS PARA SAMAÍN

MIRAR, TOCAR, CHEIRAR E...PROBAR!!!!

Xa van uns días que andamos ás voltas coas cabazas, o Samaín e o Halloween están ao caer e as cabazas teñen un gran protagonismo nestes festexos, ademais de ser un froito moi característico da estación do Outono, co que se poden facer tortas, marmelada, sopa,... Hoxe pola mañá experimentamos a través do sentidos algunhas das súas características, e para rematar probamos as pipas de cabaza, que foron todo un éxito, gustáronnos moitísimo!!

IGUAIS OU DIFERENTES?

Xogamos cos pompóns: observamos, comparamos e completamos atendendo aos criterios de cor e cantidade, así  acadamos a igualdade  nos dous pratos.

ANIVERSARIOS OUTUBRO

Este mes están de aniversario:

En 4 anos:SIMÓN, LAIA, LUCAS E TEO

En 5 anos: ALBA S. E BRUNO

MOTRICIDADE FINA

Para rematar a semana, na aula dos mandilóns laranxas, estiveron xogando a un divertido xogo.

Había que meter tantos caramelos no bote como indicaba a tarxeta co número, pero colléndoos cunhas pinzas nada fáciles de manexar!

A PIRÁMIDE DOS ALIMENTOS

Continuamos coñecendo o noso corpo e tamén as medidas necesarias para o seu coidado. Hoxe traballamos cos alimentos que precisa o noso corpo mediante a pirámide dos alimentos. Os nen@s construíron a súa pirámide empregando os xoguetes da aula.

O NOSO CORPO

Os máis pequenos do cole estamos a  aprender moitas cousas sobre o noso corpo.  Desta volta fixemos a actividade de completar a silueta. 

XOGAMOS COAS LANDRAS

Na asemblea de primeira hora, todos os días, dedicamos un tempo ás matemáticas a través de diferentes xogos manipulativos.

Hoxe empregamos os animais salvaxes e un bo montón de landras para facelos: moitos-poucos, tantos como, contar e contar, asociar cantidade con número, pauciños, dedos, dado, ....

Que ben o fixeron!

Para rematar, cadaquén decorou a súa landra con anaquiños de papel de seda.

COÑECEMOS O CORPO POR DENTRO

Os nen@s de vermello están coñecendo como é o noso corpo por dentro e hoxe tocou xogar co esqueleto. Aprendemos a canción do esqueleto e montamos un esqueleto nunha folla

O MARMELO

Despois de observar os froitos do outono, traballamos con eles na aula

CÍRCULOS GRANDES/PEQUENOS

Aprendemos con Popeta a diferenciar os tamaños grande/pequeno. Primeiro xogamos con aros a situarnos dentro dos círculos pequenos, despois sinalámolos na ficha de Popeta. Fixémolo xenial!

AS MIÑAS MANS

Estes días, na aula dos mandilóns laranxas están aprendendo moitas cousas sobre o corpo.

Hoxe foi a quenda das mans: como son, que podemos facer con elas, soan ou non?, o nome dos dedos, ....

Despois de facer varias actividades tocou a que a eles tanto lles gusta.

Velaí a tedes!

Canto desfrutaron estampando as súas mans no papel.

Para rematar, todos a cantar:

"El popurri de las manos"(CantaJuego).

XOGAMOS CO NÚMERO 1

Xa levamos uns días a xogar co número 1. Experimentamos co concepto de cantidade e aprendemos como se traza a súa grafía. Velaquí algunhas das actividades que fixemos.

PICAR E PUNTEAR, PINGUIÑAS DE CHOIVA

Hoxe pola mañá Peliños e Peloncho contáronnos que no seu cole chovía igual ca no noso, así que puxémonos a picar as nubes con Peliños e logo decoramos un paraugas para Peloncho. Picamos e punteamos paseniño, como caen as pingas de choiva das nubes, e mentras iamos cantando:

"Chove polo río, chove polo mar,  a raniña verde púxose a saltar...clin, clan, clin, clan,..."

MARMELO

Para rematar a semana, na aula de 4 anos, os nen@s tiveron un extra de merenda moi doce e saudable.

A profe tróuxolles unha froita que moitos non coñecían. Que é, como se chama?

A maioría das respostas foron pera ou limón..., pero eran marmelos!.

Tocáronos, ulíronos, viron como eran por dentro, falamos de como se cociñaba, ... e, finalmente saborearon o DOCE DE MARMELO.

 A algúns gustoulle máis que a outros!

Aínda así pouco sobrou...

 Para rematar cadaquén pintou o seu marmelo co pincel.

MANUALIDADE

A partir dunha cara , os nen@s construíron o corpo dunha rapaza empregando diversas técnicas: pintura, troquelado, picado  e debuxo.