DESPEDIDA DE NADAL

Rematou o 1º trimestre e ímonos xa de vacacións! Despois destes meses de esforzo e traballo arreo dos nosos cativos e cativas, non quixemos rematar sen que  tiveran a súa festa de Nadal coma outros anos, aínda que nesta ocasión un chisco diferente. Tamén nos lembramos das familias, de canto desfrutan coas actuacións de Nadal no cole, por iso, aínda que dun xeito diferente, preparamos este pequeno vídeo sorpresa para todas e todos. Agardamos que  o desfrutedes!! As nenas e nenos de infantil  desexámosvos un BO NADAL E FELICES VACACIÓNS!!💝🎄🎅👦👧🎁🎄

VÉMONOS DE VOLTA NO COLE  O VENRES 8 DE XANEIRO

ANIVERSARIOS DECEMBRO

 Este mes están de aniversario:

En 4 anos Paula

5 anos Iker e Lía

PARABÉNS A TOD@S

TEMPO DE NADAL

 Todos sabemos que o Nadal anda cerca, xa estamos emocionad@s, nervios@s, cavilando nas peticións a Papá Noel e aos Reis Magos. Estes días no cole ambientamos a aula, facemos manualidades para decorar a árbore, cantamos e bailamos cantigas de Nadal,... Facemos unha morea de cousas para preparar a chegada destas datas que aos cativos e cativas tanto nos ilusionan.🎄🎅🎄🎅

A DETECTIVE PEREGRINA E O MISTERIO DE NADAL

Onte viñeron a visitarnos a compañía Polo correo do vento,  tres rapaces que nos contaron unha historia de Nadal moi singular: a detective Peregrina e o seu can salchicha Magnum teñen ante eles un misterioso caso por resolver!

Encantounos a combinación desta historia contada, cantada e debuxada! Grazas a Enrique, Carlos e Roberto por esta sesión de contacontos tan divertida!!

BARCO PIRATA Á VISTA !!

 Traballamos a pre-escritura con diferentes actividades de grafo e divertímonos imaxinando e creando barcos piratas para as ondas do mar que trazamos.

UN PAN MOI ESPECIAL!

Os máis peques de infantil hoxe convertímonos en pequenos panadeiros e fixemos os nosos boliños de pan no cole! Quedáronnos uns bolos ben xeitosos! Agora a cocer na casa e a merendar!! Que ricos!!😋😋😋

Grazas familias pola vosa colaboración!

RAÍÑA A

 Na clase de 4 anos seguimos aprendendo co Señor Estudioso, estes días coñecemos a outro dos personaxes do País das Letras: A raíña A. 

ANIVERSARIOS DE NOVEMBRO

 Este  mes están de aniversario:

En 3 anos SAMUEL

En 4 anos: LUCAS E ANTÓN

En 5 anos: NICOLÁS, IAGO e SARA

25N, DÍA MUNDIAL CONTRA A VIOLENCIA DE XÉNERO

 Hoxe conmemórase o DÍA MUNDIAL CONTRA A VIOLENCIA DE XÉNERO, unha data que debemos traballar a diario desde as nosas actitudes e comportamentos como sociedade,  para que os  nosos cativos e cativas medren  en igualdade. 

✋ NON Á VIOLENCIA DE XÉNERO ✋

COÑECEMOS A DEREITA E A ESQUERDA.

Para diferenciar a nosa dereita e a esquerda colocamos manguitos no brazo, unha vez colocados facemos xogos e cantamos e bailamos.

GRAFOMOTRICIDADE

Na clase de 4 anos seguimos mellorando o dominio do trazo. Estas actividades de grafomotricidade que tanto nos gustan son un bo espazo de entrenamento.

O GATO QUE SUBIU Á ÁRBORE

 Despois da sesión de "A hora de ler" onde a profe lles narrou o conto"O GATO QUE SUBIU Á ÁRBORE", os nen@s dibuxaron o que máis lles gustou do conto.

20 DE NOVEMBRO, DÍA DOS DEREITOS DA INFANCIA

 Hoxe conmemórase o Día Internacional dos Dereitos da Infancia. As nenas e nenos de 3, 4 e 5 anos  fixemos algunhas actividades e cantamos e bailamos a canción "Derechos de los niños".

DE ONDE VEÑEN OS ALIMENTOS?

Esta semana investigamos e aprendemos sobre a orixe dos alimentos; a través de vídeos, libros e folletos do súper aprendemos un pouco máis do que xa sabiamos sobre o asunto. Despois da búsqueda da información (e de non poucos debates😉😀) elaboramos os nosos traballos sobre o aprendido.

JUAN E AS FABAS MÁXICAS

 Hoxe coñecemos a historia de Juan e as fabas máxicas, un conto no que apareceron máis alimentos dos que chegaron misteriosamente á nosa aula! Xa só nos queda  saber de quen serán a fariña e os ovos!! 🔍Seguiremos investigando e aprendendo!😊

TRABALLOS DO NÚMERO 4

 Na clase de 4 seguimos traballando e aprendendo co número 4: trazado, cantidade, descomposición, diferentes formas de representación,...

MAGOSTO 2020

 Este ano tivemos que festexar un Magosto diferente, pero aínda con todo, desfrutamos e pasámolo moi ben durante toda a semana facendo xogos, manualidades e actividades variadas para conmemorar esta festa tan nosa. 🍁🌰🌰🍁

PEQUENOS E PEQUENAS INVESTIGADOR@S

 Imos facendo avances nas nosas investigacións, xa descubrimos que outro dos alimentos que había  na cesta pertence ao conto "Riciños de Ouro e os 3 osos". 

Empezamos a traballar  co Libro Informativo do proxecto, e  preparamos os nosos carnés de investigadores e investigadoras profesionais para seguir aprendendo sobre o tema que nos ocupa: Cociña e Alimentos.🍝🍒🍫🍉