PROXECTO COCIÑA E ALIMENTOS

 As e os máis peques do cole rematamos o proxecto de cociña e alimentos; ao longo destes meses aprendemos moito e divertímonos con diferentes actividades. Aquí vos deixamos un pequeno resumo dalgunhas das actividades que fixemos ao longo do proceso. Queremos agradecer ás familias a colaboración prestada nalgunhas das actividades, GRAZAS!😀

A PEQUEORQUESTA

 Os nen@s de 3 anos confeccionaron instrumentos con envases de leite bebible e arroz. Unha vez decorados, tocaron e bailaron ao son das súas maracas.

ENTROIDO 2021

 Os nenos e nenas da Uceira quixemos festexar algo de entroido,  aínda que fose dun xeito diferente á celebración que adoitamos facer na escola co gran desfile e os aplausos das familias; os disfraces foron variados e todos moi divertidos, tamén fixemos algunhas manualidades entroideiras na escola para levar para casa. 

Feliz Entroido a todos e todas! 🎊🎭🎭🎊

👉Voltamos ao cole o xoves 18

POÑEMOS A MESA

 Esta mañá os nenos e nenas de 5 anos estiveron aprendendo como se colocaban os utensilios de comer ( a culler, o garfo, o vaso , o coitelo e o prato. Aproveitamos esta actividade para traballar a lateralidade, xa que tiñan que colocar cada utensilio á dereita ou esquerda do prato seguindo a orde axeitada. Resultou superdivertida.

INSTRUMENTOS MUSICAIS

 Os nenos e nenas de 4 e 5 anos elaboraron esta fin de semana uns instrumentos musicais moi creativos . Fixeron un gran traballo! Grazas familias pola vosa colaboración!

IMOS DE COMPRAS AO SUPERMERCADO

 Na aula de 5 anos fixemos o recanto do supermercado. Cada nen@ desempeñaba un rol diferente, uns eran froiteiros, outros peixeiros, outro caixeiro... e así a modo de xogo foron coñecendo como se desenvolve a actividade nun súper. Foi divertidísimo!!1

30 DE XANEIRO, DÍA MUNDIAL DA PAZ E DA NON VIOLENCIA

 Mañá 30 de xaneiro celébrase o Día Mundial da Paz e da Non Violencia; durante esta semana fixemos varias actividades; aproveitando que estamos a traballar cos alimentos fixemos pasta de sal, coa que modelamos un corazón branco para simbolizar o amor, o respecto e o cariño, sentimentos asociados polos nosos cativos e cativas  á idea da paz.

 Tamén cantamos e bailamos a canción "MÓVETE", a proposta dos Equipos de Dinamización da Lingua Galega e Actividades Extraescolares. Aquí deixamos as fotos da actividade e a canción para que a desfrutedes en familia. 

ANIVERSARIOS MES DE XANEIRO

Hoxe festexamos os aniversarios do mes de Xaneiro, Moitos Parabéns a  Alba da clase de 4, que é a maior do grupo e xa cumpriu os 5! 🎈🎈

BINGO!!

 Xogamos ao Bingo dos Alimentos: aprendemos vocabulario, traballamos a atención, a memoria e o traballo en equipo. Aprendemos e divertímonos!

VEXO, ESCOITO, TOCO, CHEIRO E SABOREO...OS ALIMENTOS A TRAVÉS DOS SENTIDOS.

Nestes días traballamos os alimentos xogando cos cinco sentidos; Divertímonos e aprendemos experimentando cos olores, sabores, aspecto, tacto e son de diferentes tipos de alimentos.

E TI, COMES BEN?

 Seguimos investigando e aprendendo sobre os alimentos. Esta semana traballamos na idea de "comer ben", como facelo de xeito saudable, escollendo unha dieta variada, incorporando vexetais, peixe, legumes, carnes,lácteos, cereais,... e tendo moito moito coidado coas larpeiradas. Conversamos, buscamos algo de información, establecemos algunha que outra conclusión e, finalmente, elaboramos os nosos menús saudables.

VOLTA AO COLE CON SORPRESA

 Retomamos hoxe a actividade nas aulas logo duns días de descanso, un pouco preguiceiros e con algo de sono, pero con moita ilusión e ganas de compartir cos amigos e amigas as vivencias deste Nadal,  ganas de falar dos agasallos que  Papá Noel e os Reis Magos foron deixando  espallados polas casas dos cativos e cativas do Carballiño. E por suposto, coa emoción de chegar ao cole e atopar tamén agasallos nas aulas! Feliz comezo de trimestre para todos e todas! Arrancamos!😊👍