XOGAMOS COS NÚMEROS

Na clase de 3 seguimos xogando e aprendendo moito cos números e  as cantidades que representan. Pasámolo xenial!

6 DE DECEMBRO, DÍA DA CONSTITUCIÓN

Hoxe conmemoramos o día da constitución realizando diferentes actividades para que @s nen@s tomen conciencia dos dereitos e obrigacións que teñen, ben sexa consigo mesmos ou cara os demais.

E TI, QUE VES AQUÍ?

Deixamos voar a nosa imaxinación, experimentamos xogando co trazo e poñemos título aos nosos debuxos.

O RECUNCHO DA BIBLIOTECA

Todas as semanas, os neno@s da aula de 4 anos, aproveitan algunha sesión da "hora de ler" para ir ao recuncho da biblioteca e desfrutar dos contos dun xeito máis libre.

Cadaquén escolle o seu, algúns compárteno, inventan e imaxinan o que lles acontece aos protagonistas, ..., en definitiva, botan a "voar" a súa imaxinación e creatividade.

Canto lles gusta!

NÚMERO 1: CANTIDADE E GRAFÍA

Na clase de 3 anos seguimos a aprender e a traballar co número 1, facemos diferentes actividades e xogos para integrar o concepto de cantidade e aprender a súa grafía.

ANIVERSARIOS NOVEMBRO

Hoxe festexamos os aniversarios  d@s nos@s peques que cumpriron anos no mes de Novembro! Parabéns a tod@s!!🎈🎉

5 ANOS: IAGO, ÁNGELA  & STHEFANNY

4 ANOS: SARA, NICOLÁS & IAGO

3 ANOS: LUCAS E ANTÓN

VISITA AO CINE

Esta mañá os nen@s da Uceira foron ver a película de FROZEN II ao cine de Leiro. Encantoulles a peli!!!!

SERIES LÓXICAS

Iniciamos o traballo de series lóxicas; primeiro vivenciamos a través do  noso propio corpo: de pé/sentados, mans dentro/fóra dos petos, ollos abertos/pechados,... despois pasamos á vivenciación cos obxectos. As nosas primeiras seriacións atendendo ao criterio de cor. Foi facilísimo e divertímonos moito!

DÍA INTERNACIONAL CONTRA A VIOLENCIA DE XÉNERO

Hoxe, 25 de novembro, todo o centro se sumou á conmemoración deste día estampando as mans moradas nas portas de entrada ao colexio.

Nas aulas tamén se fixeron diferentes actividades e, aproveitamos para traballar a igualdade de xénero e a coeducación a partir do conto dos Bolechas, "Macrofesta no Carballiño", un agasallo para os nenos e nenas por parte do concello. 

CLASIFICACIÓNS

Xogamos a separar, agrupar e clasificar as pezas por cores. 

PICAMOS

 A través da técnica do picado, e empregando diferentes tipos de materiais (papel de regalo, xornal e metalizado), os nen@s da aula de 4 anos elaboraron un fantástico traballo moi acorde co tempo de choiva destes días.

Para rematalo fixeron unha morea de pingas con témpera.

DÍA DA INFANCIA 2019

Hoxe conmemoramos  o DÍA DA INFANCIA, entre tod@s elaboramos un pequeno mural para ocasión. Deixámosvos   o link dunha fermosa   canción para este día: 

https://www.youtube.com/watch?v=kSD_Vs6TaG0