CÍRCULOS GRANDES/PEQUENOS

Aprendemos con Popeta a diferenciar os tamaños grande/pequeno. Primeiro xogamos con aros a situarnos dentro dos círculos pequenos, despois sinalámolos na ficha de Popeta. Fixémolo xenial!

AS MIÑAS MANS

Estes días, na aula dos mandilóns laranxas están aprendendo moitas cousas sobre o corpo.

Hoxe foi a quenda das mans: como son, que podemos facer con elas, soan ou non?, o nome dos dedos, ....

Despois de facer varias actividades tocou a que a eles tanto lles gusta.

Velaí a tedes!

Canto desfrutaron estampando as súas mans no papel.

Para rematar, todos a cantar:

"El popurri de las manos"(CantaJuego).

XOGAMOS CO NÚMERO 1

Xa levamos uns días a xogar co número 1. Experimentamos co concepto de cantidade e aprendemos como se traza a súa grafía. Velaquí algunhas das actividades que fixemos.

PICAR E PUNTEAR, PINGUIÑAS DE CHOIVA

Hoxe pola mañá Peliños e Peloncho contáronnos que no seu cole chovía igual ca no noso, así que puxémonos a picar as nubes con Peliños e logo decoramos un paraugas para Peloncho. Picamos e punteamos paseniño, como caen as pingas de choiva das nubes, e mentras iamos cantando:

"Chove polo río, chove polo mar,  a raniña verde púxose a saltar...clin, clan, clin, clan,..."

MARMELO

Para rematar a semana, na aula de 4 anos, os nen@s tiveron un extra de merenda moi doce e saudable.

A profe tróuxolles unha froita que moitos non coñecían. Que é, como se chama?

A maioría das respostas foron pera ou limón..., pero eran marmelos!.

Tocáronos, ulíronos, viron como eran por dentro, falamos de como se cociñaba, ... e, finalmente saborearon o DOCE DE MARMELO.

 A algúns gustoulle máis que a outros!

Aínda así pouco sobrou...

 Para rematar cadaquén pintou o seu marmelo co pincel.

MANUALIDADE

A partir dunha cara , os nen@s construíron o corpo dunha rapaza empregando diversas técnicas: pintura, troquelado, picado  e debuxo.

SESIÓN DE PSICOMOTRICIDADE

Esta mañá a profe de prácticas fíxolle unha sesión lúdico-didáctica xogando cos aros e cos bloques lóxicos.

CORES DE OUTONO

Xa temos a aula ambientada! Marrón, amarelo, laranxa, verde,... aquí vos deixamos unha mostra das primeiras actividades que fixemos xogando coas cores do Outono.

FROITAS DO OUTONO

Comezamos a semana traballando coas froitas do outono; aprendendo os seus nomes, as súas texturas, sabores...

Aproveitamos esta actividade  para traballar os cinco sentidos. Coa profe Sara fixemos unha actividade para recoñecer diferentes obxectos. Tamén probamos diferentes sabores e ulimos diferentes  aromas.

AS MASCOTAS DAS AULAS

Comezou o curso e, pouco a pouco, as mascotas das tres aulas foron chegando ao cole.

Desde a selva chegou á aula de 3 anos a mona PELIÑOS e o seu moniño PELONCHO.

Na aula de 4 anos apareceu a foca PATOCA viaxando desde o país das neves e o xeo.

E desde o deserto, o raposo POQUÉ, cargado co seu saquete de letras apareceu na aula de 5 anos.

Por fin todos os nen@s teñen a súa imaxe na casa.

ESTREAMOS HORA DE LER

Nesta semana os nen@s de 3 anos sumámonos ao resto de compis de infantil  na actividade da Hora de Ler, e fixémolo co conto de Garavanciño.

AS CORES DO OUTONO

Coa chegada do outono a paisaxe vai mudando as súas cores.

Na aula de 4 anos representáronas con esta fermosa árbore.