CHOCOLATA

Como cada semana, adicamos un tempo aos contos. Lectura, dramatización, cancións e debuxo.

UNS OVIÑOS MOI ESPECIAIS!

CONTACONTOS

Hoxe na escola foi unha mañá diferente, xa que desfrutamos dunha sesión de contacontos, actividade proposta polo equipo de biblioteca do centro.

O narrador, Iago, fixo que o pasaramos moi ben. Escoitámolo atentamente e divertímonos moito participando no relato do conto.

"O cociñeiro Martiño e as cenorias desaparecidas".

DÍA INTERNACIONAL DO LIBRO INFANTIL E XUVENIL

Hoxe Teo, da aula dos máis pequerrechos, trouxo un libro da súa casa para compartilo cos seus compañeiros. 

Todos sabemos canto lles gustan aos nenos os contos e a importancia que teñen xa desde ben pequenos. Escoitalos, manipulalos, velos, comentalos, imaxinar que pasa neles, ..., son actividades coas que desfrutan moito, contribuíndo positivamente ao seu pleno desenvolvemento.

 Dado que hoxe é o Día do Libro Infantil aproveitamos para ler o conto de Teo: "Celestino y el mono".

Para rematar, divertímonos todos xuntos cos libros do recuncho da biblioteca da aula.

ANIVERSARIOS DE MARZO

Este mes están de aniversario

En 3 anos: Noa e Yoel

En 4 anos: Alba e Noha

En 5 anos: Daniel, Leire, Paola, Laura e Noa R.

CONTO CON LINGUA DE SIGNOS

Onte pola mañá visitáronos dúas rapazas da Asociación de Sordos de Ourense para contarnos un conto a cada nivel en lingua de signos. O conto escollido foi "A eiruga glotona". Mentres unha delas contaba o conto, a outra facía o mesmo pero coas súas mans. Ao rematar ensináronlles aos nen@s unha serie de signos relacionados co conto: días da semana, froitas, animais,...

DÍA DA ÁRBORE

O día 21 de marzo celébrase o día da árbore e no colexio celebrámolo plantando varios carballos no patio de infantil. Os nen@s primeiron cavaron o burato, logo plantaron os carballos e para rematar regáronos. Foi unha actividade coa que disfrutaron moitísimo.

A COR VERDE

Coa chegada da PRIMAVERA a nosa contorna comeza a mudar as súas cores, enchéndose dun gran colorido e predominando a cor verde.

Na aula dos máis pequenos quixeron estrear esta nova estación coloreando unha árbore e fixérono dun xeito algo "máxico".

Se mesturamos a cor azul e a amarela..., que pasará?

SEMANA DA PRENSA

Os nen@s de cor laranxa tomaron o seu primeiro contacto co xornal visualizando e manipulando varios que temos na aula. Despois buscaron as letras do seu nome e fixeron debuxos no xornal.

Os de cor vermello, como xa teñen máis experiencia buscaron diversas noticias e logo como xa recoñecen moitas letras, fixeron unha actividade que consistía nunha CHUVIA DE LETRAS.

Os de cor verde, como xa son expertos na lectura e escritura, elaboraron cadansúa noticia e con todas elas fixeron "O XORNAL DE 5 ANOS".

prensa

PRESENTACIÓN DE MARTIÑO

Este xoves, pola tarde, a encargada da biblioteca infantil do Concello veu ao noso cole para presentarnos a mascota da biblioteca "Martiño, o pulpiño". Despois da súa presentación fixeron unha pequena representación dun conto. Pasárono xenial.

8 DE MARZO, DÍA INTERNACIONAL DA MULLER

Esta mañá no colexio celebramos o Día da Muller de varias maneiras.

Comezamos contando un conto sobre a igualdade entre homes e mulleres.

Despois confeccionamos un mural cos debuxos das mulleres máis importantes para os nenos e nenas ( a súa nai, avoa,...)

E por último, fixeron unha ficha para conmemorar este día tan especial.

DESFILE DE ENTROIDO

Por fin chegou o día de lucir os traxes de gregos e gregas. Durante toda a semana os nenos e nenas de infantil da Uceira estiveron traballando sobre Grecia. Aprenderon cousas coma a súa bandeira, traxe típico, principais monumentos...

Aquí tedes un vídeo para que disfrutedes vendo aos vosos fillos. Grazas pola vosa colaboración.