14 DE FEBREIRO

Onte no colexio celebramos nas tres aulas o DÍA DO AMOR E DA AMIZADE con diferentes tipos de actividades.

Conversamos sobre o valor da amizade, que é iso do amor..., e finalmente desfrutamos cos contos.

MÚSICA MAESTRO!

VIAXE NO TEMPO

Queridas familias, este curso imos a facer unha viaxe a GRECIA , un país cheo de cultura, tradición e historia. Imos a coñecer a súa xeografía, clima e tamén a que se adican as súas xentes. Viaxaremos no tempo coñecendo algúns heroes da mitoloxía grega, personaxes famosos coma Esopo, Arquímedes...

Tamén  coñeceremos o seu alfabeto así coma a historia dos xogos olímpicos. Vai a ser unha viaxe moi divertida.

ESTREANDO...

Aproveitando que o tempo nos deu unha tregua, onte estreamos o mobiliario de xogo e movemento que instalaron no noso patio.

Canto gozaron!

DÍA DA PAZ

Con motivo da celebración do Día da Paz, este mércores todos os nen@s do colexio saíron ao pavillón con cintas das cores do arco da vella. Cada nivel levaba unha cor. A infantil tocoulle a cor morada. Con todas elas fixemos o arco da vella mentres cantabamos a canción de Soraya "Que bonito". Tamén portaron carteis coa palabra paz  en diferentes idiomas de países europeos.

Nos días previos á celebración do Día Internacional da Paz e da Non Violencia nas tres aulas fixéronse diferentes traballiños relacionados con este día.

Aí vai unha pequena mostra...

ANIVERSARIOS XANEIRO

Este mes están de aniversario:

En 3 anos non houbo aniversarios, pero celebramos o de Iker que estivo de cumpre en decembro pero non veu ao cole o día que celebramos os cumpres de ese mes.

 En 4 anos: Laura e Brenda

 En 5 anos: Carla e Martin

Este mes tamén están de cumpre as profes Conchi e Chus

PARABÉNS A TODOS!

DÍA DA PAZ

Para conmemorar o día da Paz, estamos a realizar cos nen@s unha serie de actividades que nos permitirán adornar o noso colexio. Grazas familias polos traballiños tan fermosos que fixestes cos vosos fixos.

 Decoraron a palabra PAZ en diferentes idiomas do mundo

XORNADA ÚNICA

http://www.edu.xunta.gal/centros/ceipcalvosotelo/

MOI IMPORTANTE!

XORNADA ÚNICA

Benqueridas familias:

Despois da sondaxe sobre a xornada única que tivemos no mes de decembro, no que maioritariamente as familias decidistes a favor de implantala no centro, estamos nun momento decisivo para conseguila.

Convocámosvos a todos á VOTACIÓN OFICIAL que se levará a cabo o mércores día 23 de xaneiro no edificio Uceira en horario de 10:30 a 20:00 horas. UN VOTO POR FAMILIA.

Queremos recordarvos a importancia de que veñades a votar para conseguir aquilo polo que tanto tempo levamos loitando.

A xornada única supón os seguintes cambios para o centro:

1. Horario lectivo: Será de 9:00 a 14:00 horas.
2. Comedor: En horario de 14:00 a 15:00 horas.
3. Esta xornada implica unha serie de Actividades Extraescolares voluntarias que se realizarán no centro polas tarde en horario de 15:00 a 17:00 horas.

En canto ás ACTIVIDADES EXTRAESCOLARES, informámosvos de varios aspectos:

1. As familias decidirán voluntariamente a que actividades extraescolares asistirán os seus fillos/as, de entre todas as ofertadas.
2. Durante o horario de actividades, a biblioteca do centro permanecerá aberta e atendida por un profesor/a, para todo aquel alumnado que queira ou necesite utilizala. Isto facilita a libre elección de actividades xa que os alumnos/as poden permanecer nela de 15:00 a 17:00 horas, sendo totalmente gratuita.
3. As actividades programaranse en función da demanda e interese das familias.

Para aclarar as posibles dúbidas, mañá martes día 22 de xaneiro ás 19:30 horas, no Salón de Actos da Uceira, celebraremos unha REUNIÓN INFORMATIVA para todas as familias que queiran asistir.

NOTA: O censo de familias está a disposición de quen queira consultalo no taboleiro da secretaría do centro, edificio Uceira.

» 

• blogue de admin1

AS TESOIRAS

Esta semana na clase de 3 anos os nen@s iniciáronse no manexo das tesoiras, algo que para eles sempre é moi motivador.

Canto lles gustou!!

QUE FRÍO VAI!

Co frío que vai estes días está claro que estamos en Inverno, unha nova estación sobre a que os peques van aprender moitas cousiñas. 

Na aula de 3 an@s aproveitamos un círculo que nos sobrara no primeiro trimestre para elaborar o noso peculiar boneco de neve.

E tamén comezamos a aprender a canción do inverno...

OS REIS MAGOS VISITARON O COLEXIO

Feliz aninovo familias!. Esta mañá os nen@s leváronse unha gran sorpresa ao chegar ó colexio. Os Reis Magos fixeron unha paradiña na Uceira e deixaron uns pequenos agasallos para as aulas de infantil. Estaban moi ilusionados.